I varetekt meg ta – eit misjonærbarns historie

Korleis gjekk det med misjonærbarna?

I fleire tiår plasserte norske misjonærar barna sine på internatskular verda over. Liv Kristin Steen Brundtland var eitt av dei. Mange opplevde sakn, omsorgssvikt og overgrep, medan foreldra følgde «kallet» og spreidde evangeliet blant dei «unådde». I varetekt meg ta er forteljinga om ein oppvekst på internat i Taiwan, om saknet etter foreldre, om ein «husfar» som skulle vere ein farsfigur, men svikta – og om ei lukka verd der lojalitet overskygga behova til barna. Det er òg forteljinga om ein årelang og opprivande kamp for å bli høyrd, og for at erfaringane til misjonærbarna skal bli ein sannferdig og anerkjend del av misjonshistoria.

Liv Brundtland blir intervjua av forfattar og illustratør Lene Ask, som sjølv har skrive og teikna om misjonærbarna.